Hvað með stýrimanninn?

Enn einu sinni sýnir einhver blaðamannskrakki að hann hefur ekki hundsvit á starfsheitum.

Í stað orðsins siglingafræðingur hefði krakkinn átt að skrifa stýrimaður. Það er það sem það heitir á íslensku. Skipstjóri er líka siglingafræðingur eins og stýrimaðurinn.

Ég legg til  að krakkinn sem þýddi þessa frétt fari og læri að vinna með öðru en tölvu og penna. Skreppi eins og einn eða fleiri túra sem áhafnarmeðlimur á skipi.

Ég þekki þetta starf þar sem ég er með próf úr Stýrimannaskólanum í Reykjavík og starfaði sem stýrimaður í nokkur ár. Hefði aldrei titlað mig sem siglingafræðing.

Skipstjórinn á Rena ákærður

Gerir einhver svona hér á landi?

Ég er á því að margir ráðherrar samspillingarinnar og vinstri valdagráðugra ættu að fara að eins og þessi ráðherra gerði.

Hann sagði af sér eftir að einkavinafélagið varð opinbert.

 

Fox segir af sér

Gaulhúsið Harpa.

Í lok menningarnætur átti fjöldi fólks von á að sjá eitthver flott sjónarspil þegar kveikt var á ljósum hjúp gaulhússins Hörpu. Sá gjörningur olli fleiri þúsund manns miklum vonbrigðum. Hallærislegra atriði held ég að hafi aldrei sést á menningarnótt.

Hvernig í ósköpunum datt þeim sem byggðu þetta hús að bjóða fólki upp á annað eins og þetta? Ég er á því að Diddú hefði bara átt að syngja í stað þess að vera að mæra þetta lélega atriði. Þetta var öllum sem að þessu stóðu til háborinna skammar. Það sáust bara einhverjar litaðar smátírur. Það áttu allir von á að kofinn yrði uppljómaður.

Það var með þetta ljósaatriði þeirra eins og með byggingu kofans. Hreinn peningaaustur í ekkert merkilegt.

Menningarsnobbelítan ætti að skammast sín.

Fossvogur - Gnoðavogur.

Mér vitanlega hefur Gnoðavogur ekki verið fluttur í Fossvog.

Þarna er eitthvert rugl í blaðamanni í gangi.

Hvort átti þetta slys sér stað í Fossvogi eða í Gnoðavogi? Það væri gaman að vita það.

Hjólaði á bifreið

Grillveður?

Hér í Reykjavík er grillveður allt árið. Ég veit ekki hversu oft ég hef grillað í vetur. Veður skiptir engu máli þegar kemur að því að grilla.

Það er  grillveður á öllu landinu.

Grillveður fyrir austan

Glæsilegur sigur Kvennaskólans.

Það var ánægjulegt að verða vitni að sigri Kvennaskólans á MR í kvöld í Gettu betur. Og óska ég þeim innilega til hamingju með sigurinn.

Bæði lið stóðu sig með prýði og eiga hrós skilið. Þarna keppt 2 jafngóð lið. Annað kafsigldi ekki hitt, eins og MR hefur svo oft gert í þessum keppnum. Þess vegna var ánægjulegt að það skyldi verða annar skóli sem fór með sigur af hólmi í kvöld.

Og svo má ekki gleyma að það skyldi vera liðsmaður Kvennaskólans sem varð fyrsta stelpan (konan) til að sigra í keppninni.

Vonandi verður þetta ekki síðasta skiptið sem Kvennaskólinn vinnur þessa keppni.

LIFI KVENNÓ.

Kvennó sigraði

Hefur gerst áður.

Þetta minnir á klúðrið á síðasta ársfundi Framagosaflokksins (framsóknarflokksins), þegar Þórhallur Höskuldsson var lýstur formaður í stað Sigmundar (Bangsa).

Fegurðardrottning í mínútu

Mótmæli lokun Rauðalækjar.

Ég mótæli alfarið þessari lokun Rauðalækjar. Þetta mun eingöngu auka umferð um Laugalæk, þar sem er margfalt meiri umferð barna en er um efri hluta Rauðalækar. Þessi framkvæmd setur miklu fleiri börn í hættu. Þetta kemur líka til með að auka umferð um Bugðulæk þar sem íbúar neðri hluta Rauðalækjar, sem ekið hefðu upp götuna þurfa eftir þetta að aka um Bugðulækinn, sem eins og íbúar hverfisins vita, er lítil einstefnugata.

Og spyr. Eru tómir bjálfar og vitleysingar sem starfa hjá Umhverfis- og samgöngusviði borgarinnar? Það eru væntanlega verk- og tæknifræðingar sem starfa þarna. Og mín reynsla af þessum stéttum er sú að það lið hlustar ekki á fólk.

Rauðalæk lokað

Hvar lærði blaðamaðurinn landafræði ?

Ég legg til að sá sem skrifaði þessa frétt læri landafræðina sína betur. Eurovisonsöngvakeppning fer alls ekki fram í Osló, heldur í Bærum. Þetta er álíka og að segja að tónleikar sem fara fram í Salnum í Kópavogi séu haldnir í Reykjavík. Bærum er sveitafélag fyrir sunnan Osló, en tilheyrir henni svo sannarlega ekki. Og það þýðir ekkert að tala um eitthvert stór Oslóarsvæði. Það er ekkert svoleiðis.

Keppning er semsagt í Bærum en ekki í Osló.

Æfing í Ósló gekk vel

Málvilla í fréttinni.

Eru blaðamenn virkilega ekki sendir í íslenskupróf áður en þeir eru ráðnir til starfa við fjölmiðla? Maður hvorki skrifar né segir hundruðir. Orðið er hundrað í eintölu og hundruð í fleirtölu. Og tekur ekki með sér -ir endinguna.

Konan er sögð hafa dregið sér mörg hundruð milljónir. Og svo held ég að hún hafi ekki tekið sér neitt meira en yfirmenn hennar gerðu.

Það sem höfðingjarnir hafast að, hinir meina sér leyfist það. Þannig orti allavega Hallgrímur Pétursson og hafði rétt fyrir sér.

Fjárdráttur hjá Kaupþingi